Беларусы паедуць у Смаленск на рэканструкцыю бітвы 1812 года

У рэканструкцыі бітвы на Валуцінай гары пад Смаленскам прымуць удзел больш за 300 чальцоў вайскова-гістарычных клубаў Расіі ды Беларусі. Як паведамляе "Інтэрфакс", 8  жніўня пад Смаленскам адбудзецца рэканструкцыя бітвы рускіх і французскіх  войскаў  у 1812 годзе. Заяўкі на ўдзел падалі клубы Варонежа, Екацярынбурга, Калінінграда, Мінску. Гэта будзе самая маштабная рэканструкцыя бітвы. Летась у аналагічным мерапрыемстве прынялі ўдзел каля 60 чалавек.

На  гары  перад  пачаткам "бою" адбудзецца ўрачыстае пахаванне парэштак невядомага рускага салдата — аднаго з удзельнікаў Айчыннай вайны 1812 года.