Беларусы не бачылі Лукашэнку 16 дзён
Беларусы востра адчуваюць недахоп прэзідэнта ў краіне. Альбо не адчуваюць, але Аляксандра Рыгоравіча даўно няма на публіцы. 10 сакавіка Аляксандр Лукашэнка паехаў пакатацца на лыжах ў Сочы. І ўсё б нічога, калі б яго хто-небудзь бачыў пасля вяртання. Аднак усё, што можна пачуць ад
прэс-службы прэзідэнта Беларусі, гэта тое, каго і калі ён павіншаваў, каму і з
якой нагоды паспачуваў.
Апошнімі, хто бачыў Лукашэнку, былі артысты і спартоўцы, якія суправаджалі кіраўніка дзяржавы на курорце ў Краснай Паляне. Аднак самі яны адмаўляюць гэты факт. Вось што нам сказала спявачка Ірына Дарафеева:
- Вы апошні чалавек, які бачыў Лукашэнку…
- У вас няправільная інфармацыя.
- А што вы можаце сказаць?
- Нічога.
Гэта ўжо не першае знікненне Аляксандра Лукашэнкі. Роўна год таму прэзідэнт знік з экранаў тэлебачання 20 сакавіка пасля прэс-канферэнцыі па выніках выбараў і да 8 красавіка – дня яго інаўгурацыі. Прычым інаўгурацыю перанеслі з 31 сакавіка. Тады прэс-сакратар Лукашэнкі Павел Лёгкі паведаміў прэсе, што прэзідэнт працуе з дакументамі. На публіцы Аляксандр Рыгоравіч з’явіўся стомлены і прыгнечаны.
Сёлета паўтараецца тая ж гісторыя. Павел Лёгкі паведаміў агенцтву БелаПАН, што з прэзідэнтам нічога не здарылася, ён “прымае чыноўнікаў з дакладамі, працуе з дакументамі”.
Дакладна не вядома, з якімі чыноўнікамі сустракаецца Лукашэнка і з якімі дакументамі працуе. Але, відаць, чыноўнікі і дакументы – важныя. З-за іх кіраўнік дзяржавы адмяніў візіт у В’етнам, запланаваны на 25-27 сакавіка, “прапусціў” візіт кіраўніка расійскага ўраду Міхаіла Фрадкова. Не з’явіўся Лукашэнка і на хакейным турніры “Залатая шайба”, які ж сам і заснаваў. Не паказаўся ні на адным матчы плэй-офу чэмпіяната Беларусі па хакеі.
23 сакавіка Беларусь наведаў Філіп Кіркораў. Напярэдадні спявак заявіў, што пры нагодзе хацеў бы сустрэцца з Лукашэнкам, каб вырашыць фінансавае пытанне, звязанае са здымкамі кліпа беларускаму ўдзельніку Еўрабачання Змітру Калдуну. Знаходзячыся ў Мінску і пры нагодзе, Кіркораў так і не сустрэўся з Лукашэнкам. Відаць, усё тыя ж чыноўнікі і дакументы перашкодзілі.
Еўрапейскае радыё вырашыла праглядзець звычайны графік працы беларускага прэзідэнта. Так, толькі з 1 сакавіка Лукашэнка паспеў даць інтэрв’ю тэлеканалу “Аль-Джазіра”, уручыць дзяржаўныя ўзнагароды, прыняць удзел у спартыўным свяце “Беларуская лыжня-2007”, наведаць Аб’яднаныя Арабскія Эміраты, сустрэцца і павіншаваць беларускіх кабет з Міжнародным жаночым днём, вырашыць некаторыя кадравыя пытанні і падпісаць указы.
10-га сакавіка ён ужо быў у Сочы. Па чутках, Лукашэнка мог атрымаць траўму падчас катання на горных лыжах. Але ў кожным разе беларусы не бачылі Лукашэнку ўжо 16 дзён.
Апошнімі, хто бачыў Лукашэнку, былі артысты і спартоўцы, якія суправаджалі кіраўніка дзяржавы на курорце ў Краснай Паляне. Аднак самі яны адмаўляюць гэты факт. Вось што нам сказала спявачка Ірына Дарафеева:
- Вы апошні чалавек, які бачыў Лукашэнку…
- У вас няправільная інфармацыя.
- А што вы можаце сказаць?
- Нічога.
Гэта ўжо не першае знікненне Аляксандра Лукашэнкі. Роўна год таму прэзідэнт знік з экранаў тэлебачання 20 сакавіка пасля прэс-канферэнцыі па выніках выбараў і да 8 красавіка – дня яго інаўгурацыі. Прычым інаўгурацыю перанеслі з 31 сакавіка. Тады прэс-сакратар Лукашэнкі Павел Лёгкі паведаміў прэсе, што прэзідэнт працуе з дакументамі. На публіцы Аляксандр Рыгоравіч з’явіўся стомлены і прыгнечаны.
Сёлета паўтараецца тая ж гісторыя. Павел Лёгкі паведаміў агенцтву БелаПАН, што з прэзідэнтам нічога не здарылася, ён “прымае чыноўнікаў з дакладамі, працуе з дакументамі”.
Дакладна не вядома, з якімі чыноўнікамі сустракаецца Лукашэнка і з якімі дакументамі працуе. Але, відаць, чыноўнікі і дакументы – важныя. З-за іх кіраўнік дзяржавы адмяніў візіт у В’етнам, запланаваны на 25-27 сакавіка, “прапусціў” візіт кіраўніка расійскага ўраду Міхаіла Фрадкова. Не з’явіўся Лукашэнка і на хакейным турніры “Залатая шайба”, які ж сам і заснаваў. Не паказаўся ні на адным матчы плэй-офу чэмпіяната Беларусі па хакеі.
23 сакавіка Беларусь наведаў Філіп Кіркораў. Напярэдадні спявак заявіў, што пры нагодзе хацеў бы сустрэцца з Лукашэнкам, каб вырашыць фінансавае пытанне, звязанае са здымкамі кліпа беларускаму ўдзельніку Еўрабачання Змітру Калдуну. Знаходзячыся ў Мінску і пры нагодзе, Кіркораў так і не сустрэўся з Лукашэнкам. Відаць, усё тыя ж чыноўнікі і дакументы перашкодзілі.
Еўрапейскае радыё вырашыла праглядзець звычайны графік працы беларускага прэзідэнта. Так, толькі з 1 сакавіка Лукашэнка паспеў даць інтэрв’ю тэлеканалу “Аль-Джазіра”, уручыць дзяржаўныя ўзнагароды, прыняць удзел у спартыўным свяце “Беларуская лыжня-2007”, наведаць Аб’яднаныя Арабскія Эміраты, сустрэцца і павіншаваць беларускіх кабет з Міжнародным жаночым днём, вырашыць некаторыя кадравыя пытанні і падпісаць указы.
10-га сакавіка ён ужо быў у Сочы. Па чутках, Лукашэнка мог атрымаць траўму падчас катання на горных лыжах. Але ў кожным разе беларусы не бачылі Лукашэнку ўжо 16 дзён.
