Беларусы і літоўцы называюць розную колькасць пасажыраў борта, што сеў у Мінску
![Беларусы і літоўцы называюць розную колькасць пасажыраў борта, што сеў у Мінску](/sites/default/files/styles/gallery_main/public/2023-08/photo_2021-05-23_16-25-27.jpg.webp?itok=7OKOz1E2)
Беларусы і літоўцы называюць розную колькасць пасажыраў борта Ryanair FR4978, што ляцеў з Афінаў у Вільню, але быў пасаджаны ў Мінску праз пагроўу мініравання. МЗС Літвы паведамляе, што ў самалёце быў 171 пасажыр. Сярод іх грамадзяне як мінімум 18 еўрапейскіх краінаў. А грамадзянаў Беларусі — чацвёра (адзін з іх — затрыманы Раман Пратасевіч).
А прэс-служба Нацыянальнага аэрапорта "Мінск", у сваю чаргу, паведаміла, што на борце самалёта знаходзілася толькі 123 пасажыры. Пасля пасадкі яны былі адведзеныя для дадатковага дагляду ў транзітную зону.
Па стане на 18:30 борт Ryanair FR4978 па-ранейшаму чакае вылета ў Мінску.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.