Беларускія хлопцы ўцякаюць ад войска ў Амерыку
Каб пазбегнуць прызыву на вайсковую службу некаторыя жыхары Ганцавіцкага раёна Брэсцкай вобласці з’ехалі ў Расію і нават у ЗША. Тры гады ўхіляецца ад прызыву жыхар вёскі Люсіна Анатоль Занька. Сваякі
кажуць, што ён у Расіі і месца яго знаходжання невядома. На працягу
чатырох прызыўных кампаній работнікі райваенкамату не могуць адшукаць
Юрыя Гардзея і Максіма Лукашэвіча.
Бацькі паведамілі, што хлопцы ў Амерыцы. Аднак, згодна афіцыйным адказам з беларускай амбасады ў ЗША, 23-гадовыя хлопцы на вайсковым уліку ў амбасадзе не стаяць.
Нагадаем, беларускае заканадаўства прадугледжвае адказнасць, у тым ліку і крымінальную, за ўхіленне ад вайсковай службы. Менавіта за гэта асуджаны ганцаўчанін Мікалай Цэван. Ён павінен кампенсаваць дзяржаве 930 тысяч рублёў.
За непрыбыццё на вайсковыя зборы, якія праходзілі ў Баранавічах, асуджаны і адзін з рэзервістаў.
Алесь Літоўчык, Еўрарадыё, Ганцавічы
Бацькі паведамілі, што хлопцы ў Амерыцы. Аднак, згодна афіцыйным адказам з беларускай амбасады ў ЗША, 23-гадовыя хлопцы на вайсковым уліку ў амбасадзе не стаяць.
Нагадаем, беларускае заканадаўства прадугледжвае адказнасць, у тым ліку і крымінальную, за ўхіленне ад вайсковай службы. Менавіта за гэта асуджаны ганцаўчанін Мікалай Цэван. Ён павінен кампенсаваць дзяржаве 930 тысяч рублёў.
За непрыбыццё на вайсковыя зборы, якія праходзілі ў Баранавічах, асуджаны і адзін з рэзервістаў.
Алесь Літоўчык, Еўрарадыё, Ганцавічы