Беларускі самалёт загарэўся ў паветры непадалёк ад Кіева
Самалёт кампаніі “Белавія”, які абслугоўваў рэйс “Кіеў-Мінск”, сёння загарэўся ў паветры. Ніхто не пацярпеў.
Самалёт вылецеў з аэрапорту “Барыспаль” а 13.10 і літаральна праз 20 хвілінаў салон запоўніўся дымам. Экіпаж паветранага чоўна прыняў рашэнне вярнуцца ў Кіеў і самалёт паспяхова прызямліўся, паведамляе “Комсомольская правда в Белоруссии”.
Пасажырам прапанавалі ляцець у Мінск на самалёце іншай авіякампаніі, але на гэта пагадзіліся далёка не ўсе, шмат хто паехаў у Беларусь на машынах.
