Беларускі аўтарынак у верасні скараціўся ў 10 разоў

Рэальны аб'ём рынку можа быць у 2-3 разы вышэй, за афіцыйны / Ілюстрацыйнае фота pixabay.com

Афіцыйны аўтамабільны рынак у Беларусі ў верасні скараціўся ў 10 разоў (у параўнанні з вераснем 2021-га). Пра гэта паведаміла Беларуская аўтамабільная асацыяцыя.

У мінулым месяцы было прададзена ўсяго 374 аўтамабілі. Гэта на 90,4% менш, чым за аналагічны перыяд мінулага года.

У жніўні гэтага года ў нашай краіне было прададзена 542 аўтамабілі. Такім чынам, за месяц падзенне продажаў склала 31%.

Як адзначае auto-baa.by, рэальны аб'ём рынку за ўмовах санкцый і паставак праз "паралельны імпарт" можа быць у 2-3 разы вышэй, за афіцыйны.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.