Беларуская чыгунка пачала продаж квіткоў праз тэрміналы з QR-кодам
![Квіток на электрычку можна цяпер купіць праз тэрміналы з QR-кодам / rw.by](/sites/default/files/styles/gallery_main/public/2023-08/terminaly-0712.jpg.webp?itok=8MvpH7HM)
Квіток на электрычку можна цяпер купіць праз тэрміналы з QR-кодам / rw.by
Беларуская чыгунка прапаноўвае купіць квіткі на цягнік з дапамогай мабільнай праграмы "Аплаці". Новы спосаб даступны ў Мінску на чыгуначным вакзале і прыпыначным пункце "Інстытут культуры".
Квіткі прадаюцца на цягнікі з ненумараванымі месцамі — гэта значыць, электрычкі і дызелі.
Раней у тэрмінале можна было расплаціцца толькі гатоўкай і банкаўскімі карткамі. Цяпер на экране тэрмінала можна яшчэ і адсканаваць QR-код пасля выбару віду аплаты.
Новы спосаб пакуль працуе ў доследным рэжыме. Калі ён апраўдае сябе, то можа з'явіцца і на іншых тэрміналах самаабслугоўвання БЧ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.