Беларуская амбасада ў Берліне адмяняе ўжо зробленыя запісы на замену пашпартоў
![Беларуская амбасада ў Германіі](/sites/default/files/styles/gallery_main/public/2023-09/hermanija-1509.jpg.webp?itok=PbnePKbW)
Беларуская амбасада ў Германіі / МЗС Беларусі
У Германіі беларуская амбасада адмяняе запіс на замену пашпартоў, перадае DW.
Многія беларусы, якія жывуць у гэтай краіне, запісаліся ў амбасаду ў Берліне для абмену пашпарта або атрымання іншых дакументаў яшчэ да "консульскага" ўказа Лукашэнкі.
Але на гэтым тыдні супрацоўнікі амбасады сталі іх абтэлефаноўваць і адмяняць запіс. Некаторым прыходзяць апавяшчэнні па электроннай пошце, што ў сувязі з указам, які набыў моц, паслуга ў дыппрадстаўніцтве больш не можа быць аказаная і запіс анулюецца.
Як распавядала Еўрарадыё, 4 верасня Аляксандр Лукашэнка падпісаў указ, які забараняе дыппрадстаўніцтвам у замежжы дапамагаць беларусам у афармленні і атрыманні пашпартоў. Цяпер атрымаць новы пашпарт беларус можа толькі ў аддзяленні МУС на радзіме.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.