Беларуская “Аліварыя” перамагла на міжнародным піўным чэмпіянаце

На конкурсе было тое ж самае піва, што прадаецца ў крамах.

С “золатам” вярнуліся беларусы з Чыкага, дзе праходзіў конкурс. “Аліварыя Экстра” абыйшла шматлікія сусветна вядомыя маркі піва, за што атрымала залаты медаль і званне “Выключнае піва”. Маркі “Аліварыя Залатое” і “Аліварыя Траецкае” ўзялі серабро.

Як паведаміў Еўрарадыё выканаўца абавязкаў генеральнага дырэктара завода “Аліварыя” Віктар Сямак, піва выраблялася з беларускага ячменю. І запэўніў, што адмыслова для чэмпіянату піва ніхто не варыў – на конкурсе было тое ж самае піва, што прадаецца ў крамах:

“Спецыяльна, для якой-небудзь маленькай партыі піва, зрабіць аналіз ці варыць яго немагчыма. У нас няма спецыяльных магутнасцяў для таго, каб рабіць маленькіе партыі. Таму частка піва пайшла ў продаж, а частку накріравалі ў ЗША. На конкурсе было тое ж самае піва, што прадаецца ў крамах. Тых хто сумняецца “Аліварыя” гатовая правесці па заводу і паказаць тэхналагічны працэс. Немагчыма зрабіць такую маленькую партыю піва”.