Беларусак і расіянак не дапусцілі да жаночага чэмпіянату Еўропы па боксе
![Ім дазволяць выступіць пазней / pixabay.com](/sites/default/files/styles/gallery_main/public/2023-08/box-1198688_1280.jpg.webp?itok=nh2_uQDu)
Ім дазволяць выступіць пазней / pixabay.com
Беларусак і расіянак не дапусцілі да жаночага чэмпіянату Еўропы 2022 года па боксе. Еўрапейская канфедэрацыя бокса заявіла, што спіс удзельніц і расклад спаборніцтваў ужо зацверджаныя — турнір стартуе ў Чарнагорыі 14 кастрычніка. Таму спартсменкам з Беларусі і Расіі дазволяць выступіць пазней, ужо пасля ЧЕ.
Нядаўна Міжнародная асацыяцыя бокса дапусціла спартсменаў Беларусі і Расіі да турніраў, ад якіх яны былі адхілены пасля пачатку вайны ва Украіне. Ім нават дазволілі выступаць пад дзяржаўнымі сцягамі. У Еўрапейскай канфедэрацыі бокса адзначаюць, што атрымалі гэтае рашэнне. Там падкрэсліваюць, што падобную пазіцыю ў дачыненні спартсменаў з РБ і РФ "не падзяляе ніводная іншая міжнародная федэрацыя ў алімпійскай праграме".
Федэрацыя бокса Швецыі заявіла, што байкатуе турніры, да ўдзелу ў якіх дапушчаныя спартсмены з Беларусі і Расіі. На такі ж крок пайшлі фіны. Верагодна, іх могуць падтрымаць і іншыя еўрапейскія федэрацыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.