Беларусь выплаціць Чэхіі амаль 2 млн долараў за пазыку 1991–1992 гадоў
Беларусь прызнала запазычанасць перад Чэхіяй за 1991-1992 гады і пагадзілася выплаціць яе, перадае Радыё "Свабода".
Тэкст адпаведнага пагаднення апублікавала Міністэрства замежных спраў Чэхіі. Дакумент набыў моц 6 лютага 2020 года.
Афіцыйны Мінск прызнаў запазычанасць у 1,79 мільёна долараў за пастаўкі тавараў з Чэхаславацкай Федэратыўнай Рэспублікі ў Беларусь у пачатку 1990-х.
Беларускі доўг будзе вылічвацца з аплаты за арэнду будынка амбасады Чэхіі ў Мінску.
У рамках выплаты запазычанасці Чэхія, згодна з дакументам, мае права выкупіць будынак і зямельны ўчастак для сваёй амбасады ў Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
