Беларус вёз у Літву кантрабанду на 412 тысяч еўра
Грузавік, які вёз з Беларусі кантрабанду / https://www.facebook.com/Muitineskriminalinetarnyba
Грамадзянін Беларусі вёз у Літву кантрабандныя цыгарэты беларускай вытворчасці на 412 тысяч еўра. Як паведамляе літоўская Мытная крымінальная служба, кіроўца заявіў літоўскім мытнікам у пункце пропуску Райгардас (на беларускім баку — Прывалка), што грузавік пусты. Аднак яны з дапамогай сістэмы рэнтгенаўскага кантролю знайшлі схованку з кантрабанднымі цыгарэтамі. Іх кошт ацанілі на 412 тысяч еўра.
Праводзіцца расследаванне. Кіроўцу вызвалілі пад заклад.
У чэрвені ў Літве злавілі грамадзяніна Беларусі з кантрабанднымі цыгарэтамі на 2 млн еўра.
https://www.facebook.com/Muitineskriminalinetarnyba
