Вы тут

Беларус Антон Смольскі заваяваў "бронзу" ў спрынце ў Рупольдынгу

Антон Смольскі

У нямецкім Рупольдынгу на этапе Кубка свету па біятлоне 13 студзеня прайшла мужчынская спрынтарская гонка. 

Пераможцам стаў француз Кентэн Фіён-Мае, другое месца — у немца Бенедыкта Доля. Беларус Антон Смольскі заваяваў "бронзу": ён зрабіў адзін промах у стойцы і адстаў ад пераможцы на паўхвіліны. 

Гэта другі бронзавы медаль Смольскага за гэты сезон. Папярэднюю ўзнагароду ён выйграў у снежні на этапе Кубка свету ў Хахфільцэне.

У трыццатку наймацнейшых увайшоў яшчэ адзін беларускі біятланіст — Максім Варабей.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.