БАЖ: крымінальную справу завялі на аператара Паўла Падабеда

Аператар Павел Падабед не выйшаў на волю пасля 15 сутак адміністрацыйнага арышту. Паводле дадзеных Беларускай асацыяцыі журналістаў на яго завялі крымінальную справу. Падабеда перавялі ў СІЗА №1 на Валадарскага.

Аператара затрымалі нібыта за распаўсюд экстрэмісцкіх матэрыялаў. БАЖ паведаміў, што ён перастаў выходзіць на сувязь, калі адправіўся на пошту аплаціць навучанне сына. У кватэры Падабеда праходзіў ператрус.

А канцы студзеня Камітэт па абароне журналістаў выступіў з асуджэннем затрымання Падабеда. Сакрэтнасць, якой ахінута затрыманне, выклікае глыбокую трывогу, заявілі ў камітэце. Там заклікалі неадкладна раскрыць інфармацыю пра ўсе высунутыя вінавачанні і гарантаваць, каб журналісты не траплялі ў турму за сваю працу.