БАТЭ нечакана прайграў "Славіі", брэсцкае "Дынама" перамагло "Слуцк"
![БАТЭ нечакана прайграў "Славіі", брэсцкае "Дынама" перамагло "Слуцк"](/sites/default/files/styles/gallery_main/public/2023-08/rts37fc6.jpg.webp?itok=aoUGgGCn)
28 сакавіка ў Беларусі прайшло некалькі матчаў у межах другога тура знакамітага цяпер на ўвесь свет беларускага футбольнага чэмпіянату. Дзейны чэмпіён — брэсцкае "Дынама" — абыграла ў гасцях "Слуцк" — 1:0. Адзіны гол забіў Арцём Мілеўскі. А вось БАТЭ нечакана прайграў у Мазыры "Славіі" — 1:2. Абодва голы ў браму барысаўчан забіў форвард Мікіта Мельнікаў. Пасля двух тураў у БАТЭ нуль ачкоў. "Мінск" выйграў у мінскага "Дынама" — 3:2, "Гарадзея" прайграла "Шахцёру" — 0:2.
Другі тур чэмпіянату Беларусі па футболу стартаваў 27 сакавіка. У гэты дзень "Энергетык-БДУ" абыграў у гасцях "Рух" (1:0), а "Белшына" саступіла "Тарпеда-БелАЗ" (0:1).
Расклад матчаў 2 тура #БВЛ2020
— АБФФ (@BelFootFeder) March 26, 2020
Matchday 2. Fixtures.
Анлайн відэатрансляцыі https://t.co/IPWu9nYRVI#ЛюбіСвойФутбол #БеларусбанкВышэйшаяЛіга pic.twitter.com/8ZPh5X7XgC
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.