Баранавіцкія пенсіянеры дагэтуль жывуць з савецкімі пашпартамі

98 чалавек у Баранавіцкім раёне дагэтуль карыстаюцца савецкімі пашпартамі. Між тым, па гэтым пашпарце немагчыма атрымаць пенсію, звярнуцца ў дзяржаўныя органы ці да лекара.
Міліцыя папярэджвае, што парушальнікаў будуць караць штрафам ад адной да чатырох базавых велічыняў. Аднак парушальнікі пашпартнага рэжыму – збольшага старыя людзі, якім цяжка прайсці працэдуру замены пашпарту і якія спадзяюцца дажыць век па старых пашпартах.