Баранавіцкі прадпрымальнік нашкодзіў на 338 мільёнаў рублёў

Больш за 338 мільёнаў рублёў – такая сума страт, што ўчыніў 28-гадовы баранавіцкі прадавец аўдыё- і відэапрадукцыі фірмам-уладальнікам аўтарскіх правоў.  Кантрафактныя SD і DVD-дыскі рэалізоўваліся ў адным з гандлёвых
павільёнаў на рынку на вуліцы Чарнышэўскага ў Баранавічах. Злавілі
парушальніка супрацоўнікі аддзела па барацьбе з эканамічнай
злачыннасцю.

Высветлілася, што яшчэ ў лютым прадпрымальнік прывёз з
мінскага гандлёвага рынку “Ждановічы” дыскі з відавочнымі прыкметамі
кантрафактнасці і з таго часу рэалізоўваў іх у Баранавічах. Распачатая
крымінальная справа.


Алесь Літоўчык
, Еўрарадыё, Баранавічы