Барак Абама паведаміў, калі ЗША адменяць санкцыі супраць Расіі
Пра гэта прэзідэнт Злучаных Штатаў заявіў на адкрыцці 69-й Генеральнай асамблеі ААН.
"ЗША здымуць санкцыі ў тым выпадку, калі Расія стане на шлях міру і дыпламатыі", — перадае РБК словы Абамы.
Падчас свайго 40-хвіліннага выступу ён закрануў таксама розныя сусветныя пагрозы. У прыватнасці, ён заявіў аб працягу барацьбы з тэрарыстамі ў Іраку. Абама заклікаў астатнія краіны падтрымаць барацьбу супраць тэрарыстаў у Іраку і Сірыі.
Абама звярнуўся і да кіраўніцтва Ірана, заявіўшы, што цяпер ёсць магчымасць дасягнуць пагаднення з нагоды іранскай ядзернай праграмы. Напружанасць назіраецца і на Блізкім Усходзе, і ў Азіяцка-Ціхаакіянскім рэгіёне. Абама таксама заклікаў краіны распачаць канкрэтныя крокі ў барацьбе з успышкай ліхаманкі Эбола ў Заходняй Афрыцы.
Фота — 24daily.net
