Бацькоў забітага нованароджанага дзіцяці знайшлі праз тры гады
![Бацькоў забітага нованароджанага дзіцяці знайшлі праз тры гады](/sites/default/files/styles/gallery_main/public/2023-08/laboratory-2815641_960_720.jpg.webp?itok=OiEWTqYk)
У Баранавіцкім раёне бацькоў забітага нованароджанага дзіцяці знайшлі праз тры гады з дапамогай генетычнай экспертызы. Як інфармуе прэс-служба Следчага камітэта, цела было знойдзена 10 чэрвеня 2015-га ў кантэйнеры для смецця ў Баранавічах. Крымінальную справу распачалі па артыкуле "забойства". Аднак знайсці па гарачых слядах бацькоў дзіцяці не ўдалося.
Праваахоўнікі правялі вялізную працу. Эксперты-генетыкі яшчэ ў 2015 годзе вылучылі генатып дзіцяці і яго маці. Аднак у базе супадзенняў не выявілі. Былі даследаваны біялагічныя матэрыялы тысячы жанчын з горада і раёна, і ўсё без выніку. Супадзенне генатыпу адбылося пасля даследавання генетычнага матэрыялу затрыманага па справе аб рабунку 47-гадовага мужчыны. Пасля гэтага было высветлена, што чатыры гады таму ён жыў з жанчынай, 1981 года нараджэння. Яе таксама затрымалі.
Эксперты засведчылі, што гэтыя мужчына і жанчына з'яўляюцца бацькамі забітага дзіцяці. Расследаванне крымінальнай справы працягваецца.
![Бацькоў забітага нованароджанага дзіцяці знайшлі праз тры гады](/sites/default/files/paragraphs/image/00006976287.jpg)