Бабулька скрала тэлефон, бо яе “спакусіў д’ябал”
Кур’ёзны выпадак адбыўся ў адным з банкаў Гродна.
Бабулька плаціла там за кватэру і заўважыла пакінуты без нагляду тэлефон. Яна вырашыла забраць каштоўную рэч сабе.
На наступны дзень уладальнік напісаў заяву ў міліцыю і праваахоўнікі без цяжкасцяў знайшлі падазраваную. Тэлефон у яе адабралі.
Бабуля нават не змагла патэлефанаваць з мабільніка, бо ён быў з сэнсарным экранам. Пасля жанчына апраўдвалася, што яе спакусіў д’ябал, паведамляе сайт Гродзенскай абласной міліцыі.
