Азаранка выйшла ў 1/8 фіналу Australian Open
18 студзеня ў паядынку 3-га раўнда беларуская тэнісістка абыграла аўстрыйку Івон Меусбургер — 6:1, 6:0.
У пачатку сёлетняга адкрытага чэмпіянату Аўстраліі Вікторыя Азаранка абыграла шведку Ёхану Ларсан — 7:6 (7:2), 6:2, а затым была мацнейшай за чэшку Барбару Заглававу-Стрыкаву — 6:1, 6:4. Чвэрцьфінальны паядынак Азаранка правядзе з амерыканкай Слоан Стывенс.
Нагадаем, што беларуская тэнісістка, якая займае другое месца ў сусветным рэйтынгу, двойчы запар выйгравала Australian Open — у 2012 годзе ў фінале яна перамагла расіянку Марыю Шарапаву, а летась у вырашальным паядынку яна абыграла кітаянку На Лі.
