Азаранка не гуляе, але сваю 4-ю пазіцыю ў рэйтынгу WTA захавала
У панядзелак з'явіўся абноўлены рэйтынг Жаночай тэніснай асацыяцыі.
Беларуска Вікторыя Азаранка па-ранейшаму знаходзіцца на чацвёртай пазіцыі. У яе 5441 бал. Першая тройка таксама не змянілася — лідыруе амерыканка Серэна Уільямс з 12375 баламі, на другім месцы кітаянка На Лі — 7265 балаў, на трэцім — полька Агнешка Радваньска з 5980 баламі.
Адзначым, што Азаранка не гуляе ўжо амаль два месяцы — залечвае траўму. У траўні яна прапусціць тэнісныя турніры ў Іспаніі і Італіі.
Фота — Facebook