Аўтамабіль водаканала прыехаў адпампоўваць ваду — і праваліўся пад асфальт
![Аўтамабіль водаканала праваліўся пад асфальт](/sites/default/files/styles/gallery_main/public/2024-05/salihorsk-2005-2.jpg.webp?itok=VpyjX7YZ)
Аўтамабіль водаканала праваліўся пад асфальт / t.me/stctvby
У Салігорску пад асфальт праваліўся службовы аўтамабіль водаканала, які прыехаў адпампоўваць ваду. Даставаць яго прыехалі супрацоўнікі МНС, паведамляе тэлеграм-канал "СТК | Салігорскае тэлебачанне".
Інцыдэнт здарыўся ў раёне дзіцячай паліклінікі на вуліцы Паркавай. Праезд часова перакрылі, месца здарэння абгарадзілі стужкай.
У салігорскай ДАІ кажуць, што гэта не дарожна-транспартнае здарэнне, бо аўтамабіль не быў у руху.
Цяпер з прамоіны, у якую праваліўся аўтамабіль, адпампоўваюць ваду, удакладняе mlyn.by.
![Аўтамабіль водаканала прыехаў адпампоўваць ваду — і праваліўся пад асфальт](/sites/default/files/styles/default_image_paragraph/public/paragraphs/image/salihorsk-2005-1.jpg.webp?itok=hTnIGGB_)
Аўтамабіль водаканала праваліўся пад асфальт / t.me/stctvby
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.