Аўчарка знайшла 10 тысяч пачкаў кантрабандных цыгарэт (фота)
Кантрабанду выявілі супрацоўнікі Падляшскай мытнай службы на мяжы з Беларуссю ў Кузніцы.
Кантрабанда была схавана ў аўтамабілі Mercedes з беларускімі рэгістрацыйнымі нумарамі, паведамляе bialystok.gazeta.pl
Важную ролю ў выяўленні найбуйнейшай сёлета партыі кантрабандных цыгарэт у Кузніцы адыграла Луна — бельгійская аўчарка, навучаная шукаць тытунёвыя вырабы.
Рынкавы кошт выяўленых цыгарэтаў складае прыкладна 100 тысяч злотых (больш 30 тысяч долараў ЗША).
За кантрабанду 26-гадовы беларус адкажа перад судом. Акрамя канфіскацыі цыгарэт яму яшчэ пагражае штраф і канфіскацыя аўтамабіля.
