Вы тут

Атракцыёны ў Мінску спыняць працу ў наступную нядзелю

Кола агляду ў сталічным парку імя Горкага​ / solaris80 / pikabu.ru

Сезон працы атракцыёнаў у парках сталіцы скончыцца 26 верасня, паведамляе Мінгарвыканкам.

Пасля адключэння атракцыёны пачнуць кансерваваць. З гэтай мэтай будуць дэмантаваныя працоўныя вузлы і пасадкавыя модулі, частка прылад для забаў адправіцца на планавы рамонт.

Спісваць атракцыёны ў 2021 годзе сталічная мэрыя не будзе — усе яны працягнуць працаваць наступнай вясной.

У 4 парках забаў, якія знаходзяцца на балансе горада, налічваецца звыш 50 атракцыёнаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.