Арына Сабаленка выйшла ў паўфінал турніру ў Індыян-Уэлсе
Арына Сабаленка / wsopen.com
Беларуская тэнісістка і другая ракетка свету Арына Сабаленка выйшла ў паўфінал турніру ў Індыян-Уэлсе. У 1/4 яна абыграла амерыканку Коры Гаўф (6-е месца ў рэйтынгу WTA) — 6:4, 6:0. Матч доўжыўся крыху больш за 1 гадзіну.
Упершыню за ўвесь сезон Сабаленка правяла матч без адзінага брэйк-пойнта, адзначае сайт WTA. І нагадвае, што раней 19-гадовая Гаўф тройчы абыгрывала беларуску.
"Я ведала, што калі я збіраюся сёння паказаць свой тэніс на корце, то ў мяне будуць усе шанцы выйграць гэты матч. Я такая шчаслівая, што змагла паказаць сёння свой найлепшы тэніс", — сказала Арына пасля матчу.
Цяпер Сабаленка патрэбна ўсяго адна перамога, каб абысці Каралін Гарсію і атрымаць найбольшую колькасць перамог у матчах асноўнай сеткі WTA ў гэтым сезоне — 17.
У паўфінале беларуска пазмагаецца з тэнісісткай з Грэцыі Марыяй Сакары (7).
When the return comes back faster than the serve @SabalenkaA | #TennisParadise pic.twitter.com/3oeXWNJgsT
— wta (@WTA) March 15, 2023
