Археолагі знайшлі пасад старажытнага Мінска

Унікальныя знаходкі, датаваныя ХІІ стагоддзем, выяўлены археолагамі на вуліцы Кірылы і Мяфодзія побач з касцёлам бернардзінцаў, паведамляе Першы канал. Дагэтуль лічылася, што першыя пабудовы тут з’явіліся ў ХVII стагоддзі. У калекцыі археолагаў ужо больш чым 300 каштоўных так званых індывідуальных прадметаў і каля тысячы масавых. Сярод іх — капавушка (ад слова капацца ў вушах) — прататып сучасных ватных палачак, шахматныя пешкі, візантыйскія крыжыкі, якія сведчаць аб пражыванні на гэтай тэрыторыі вельмі заможных гараджан, шматлікія пярсцёнкі, манеты, дэталі вопраткі.

Пломбаў з выявай княжацкіх знакаў, саміх князёў і абліччамі святых археолагі адкапалі 18 штук. Для параўнання: на ўсёй тэрыторыі замчышча была знойдзеная толькі адна пломба.

Апошнія навіны

Галоўнае

Выбар рэдакцыі