Аперацыяй па вызваленні закладніцы ў Заслаўі кіруе Ігар Шуневіч (фота)

Аперацыяй па вызваленні закладніцы ў Заслаўі кіруе асабіста міністр унутраных спраў Ігар Шуневіч. Пра гэта ў Twitter паведамляе прэс-служба МУС. Удзень 18 ліпеня невядомы мужчына, узброены нажом, узяў закладніцу ў памяшканні банку. Яго патрабаванні пакуль невядомыя. Відавочцы кажуць, што напад не падобны да рабавання.

Міліцыя вяла перамовы з зламыснікам. Байцы спецпадраздзялення МУС ужо гатовыя да штурму.