Апазіцыя рыхтуе вялікі сход — верагодна, у дзень рэгістрацыі кандыдатаў
![Апазіцыя рыхтуе вялікі сход — верагодна, у дзень рэгістрацыі кандыдатаў](/sites/default/files/styles/gallery_main/public/2023-08/04_vybory_2006_reuters_rtr17eo0.jpg.webp?itok=gwlVnb1-)
28 жніўня Мікалай Статкевіч, Уладзімір Някляеў, Анатоль Лябедзька і Павел Севярынец правялі сумесную прэс-канферэнцыю, дзе заяўляюць пра неабходнасць не дапусціць прызнання прэзідэнцкіх выбараў Захадам. Усе ўдзельнікі прэс-канферэнцыі запэўніваюць, што стратэгія дзеянняў будзе распрацаваная бліжэйшым часам.
7 верасня Анатоль Лябедзька распавядае Еўрарадыё, што нават падрыхтаваны праект супольнай заявы:
Лябедзька: “У бліжэйшы час, хутчэй за ўсё на гэтым тыдні, мы плануем правесці круглы стол. Цяпер узгадняем колькасць удзельнікаў, там проста будзе вялікая колькасць. На круглым стале мы абмяркуем сітуацыю і нашыя супольныя дзеянні. Ужо падрыхтаваны праект супольнай заявы з ацэнкай палітычнай сітуацыі ў сувязі з тым, што няма свабодных і сумленных выбараў”.
![Апазіцыя рыхтуе вялікі сход — верагодна, у дзень рэгістрацыі кандыдатаў](/sites/default/files/styles/round_photo/public/paragraphs/quote/anatoliy-lebedzko-sergey-kalyakin-alexandr-otroschenkov-07.jpg.webp?itok=cPfNgIln)
У бліжэйшы час, хутчэй за ўсё на гэтым тыдні, мы плануем правесці круглы стол. Цяпер узгадняем колькасць удзельнікаў, там проста будзе вялікая колькасць. На круглым стале мы абмяркуем сітуацыю і нашыя супольныя дзеянні. Ужо падрыхтаваны праект супольнай заявы з ацэнкай палітычнай сітуацыі ў сувязі з тым, што няма свабодных і сумленных выбараў
Па словах лідара АГП, круглы стол хутчэй за ўсё пройдзе ў чацвер 10 жніўня. На гэты ж дзень прызначаная працэдура рэгістрацыі кандыдатаў.
Запрашэнне на ўдзел у круглым стале апазіцыі, па словах Лябедзькі, атрымалі ўсе “больш-менш жывыя і існуючыя палітычныя арганізацыі і структуры”. Уключна з Сяргеем Калякіным, Аляксандрам Мілінкевічам і Вольгай Карач.