Андрэя Бяляўскага асудзілі на 1 год "хатняй хіміі"
Адзін год без накіравання ў папраўчую ўстанову — такі прысуд дызайнеру Андрэю Бяляўскаму быў агучаны 12 студзеня ў судзе Ленінскага раёна Мінска. Яго судзілі за знойдзены падчас ператрусу баявы патрон.
Бяляўскі быў затрыманы ўвесну 2017 года па "справе Белага легіёна" і правёў за кратамі два з паловай месяцы. Падчас ператрусу ў яго знайшлі патрон, які захоўваўся ў якасці сувеніра.
На судзе 11 студзеня Бяляўскі цалкам прызнаў сваю віну.
