Алімпіяда: В.Азаранка выйшла ў 1/8 фіналу, дзе сустрэнецца з Венус Уільямс

Беларуская тэнісістка Вікторыя Азаранка, якая ў сусветным рэйтынгу займае 16-е месца, выйшла ў 1/8 фіналу адзіночнага турніру на Алімпіядзе ў Пекіне.
У другім раўндзе яна ў двух сэтах перамагла аўстралійку Кейсі Дэлакуа. У наступным матчы беларуска згуляе з адной з наймацнейшых тэнісістак свету амерыканкай Венус Уільямс. Яе сястра Серэна Уільямс напярэдадні выбіла з барацьбы беларуску Вольгу Гаварцову.