Актывіста Змітра Хведарука арыштавалі на 15 сутак
У чацвер прайшоў суд над актывістам, журналістам і былым маладафронтаўцам Змітром Хведаруком, якога затрымалі 8 снежня пасля ператрусу, паведамляюць праваабаронцы.
У РУУСе на актывіста склалі пратакол за "непадпарадкаванне супрацоўнікам міліцыі" па арт. 24.3 КаАП. Суд прызнаў Хведарука вінаватым і пакараў яго 15-сутачным арыштам.
Ёсць звесткі, што актывіста падчас ператрусу некалькі разоў ударылі.
