Вы тут

Акадэмію БАТЭ імя Анатоля Капскага хочуць стварыць у Барысаве

Анатоль Капскі / ФК БАТЭ

У Барысаве плануюць стварыць Акадэмію БАТЭ імя Анатоля Капскага. Пра гэта ў праграме "Гульні навырост" на тэлеканале "Беларусь 5" распавёў яго сын, кіраўнік барысаўскага футбольнага клуба Андрэй Капскі.

БАТЭ хоча разам з гарадскімі ўладамі стварыць комплексу футбольных палёў з асвятленнем, палівам і падагрэвам. Іншагародніх дзяцей плануецца забяспечыць гатэлем-інтэрнатам.

Новы спартыўны комплекс мяркуецца пабудаваць у раёне вуліцы Ватуціна, каля гарадскога стадыёна. Праўда, канкрэтныя даты ажыццяўлення гэтых намераў пакуль не называюцца.

Раней Барысаўскі райвыканкам афіцыйна адмовіўся пераймяноўваць "Барысаў-Арэну" і прылеглую да яе вуліцу ў гонар Анатоля Капскага.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.