Афіцыйныя органы адмаўляюцца прызнаць дочак Някляева яго блізкімі сваякамі
Пра гэта пісьменнік і лідар кампаніі "Гавары праўду" даведаўся з афіцыйных адказаў на свае заявы.
Як паведамляе "Беларускі партызан", у Будапешце адбылася прэзентацыя кнігі прозы Уладзіміра Някляева "Кот у мяху". Яна выйшла ў прэстыжным выдавецтве "ABOVO".
На прэзентацыю кнігі ў Будапешт Някляева не выпусцілі. Па словах творцы, перад тым яго не выпусцілі і на нядаўнюю прэзентацыю кнігі паэзіі "Чырвоны заход", выдадзеную ў Фінляндыі.
Няклаеў кажа, што на выезд ён пісаў заявы, але яму адмовілі, бо, маўляў, не дазваляе закон. Някляеў спаслаўся на прыклад Ірыны Халіп, асуджаную гэтак сама, як і ён. Журналістку выпусцілі за мяжу на сустрэчу з мужам.
Каб атрымаць дазвол на выезд, Някляеў папрасіў магчымасць сустрэцца з дзвюма дочкамі, якія жывуць за мяжой. Аднак афіцыйныя асобы адказалі, што дочкі не з'яўляюцца блізкімі сваякамі, бо не вядуць супольнай гаспадаркі з Някляевым.
