Адзін паўабаронца БАТЭ будзе гуляць у Швейцарыі, іншы — у Жодзіне

Адзін паўабаронца БАТЭ будзе гуляць у Швейцарыі, іншы — у Жодзіне. Чэмпіён краіны развітаўся з Валерыяне Гвілія і Уладзіславам Клімовічам. 23-гадовы Гвілія, грузінскі легіянер, быў гульцом БАТЭ з лета 2016 года, аднак без вялікага поспеху. У 33 паядынках у асноўным складзе каманды ён забіў 6 галоў. 31 студзеня стала вядома, што барысаўчане падпісалі поўны пакет дакументаў са швейцарскім “Люцэрнам” у справе Гвіліі. Цяпер ён гулец клуба Суперлігі Швейцарыі.

Яшчэ адзін паўабаронца БАТЭ Уладзіслаў Клімовіч стаў футбалістам жодзінскага “Тарпеда-БелАЗ”. Паміж клубамі ўжо падпісаны адпаведны кантракт. Выхаванцу дзіцяча-юнацкай школы барысаўчан Клімовічу 21 год. Апошнім часам ён быў у арэндзе ў некалькіх камандах, летась — у гродзенскім “Нёмане”.

Уладзіслаў Клімовіч. Фота: fcbate.by