Адпачынак па дагляду дзіцяці да трох гадоў не будзе скарочаны
Пра гэта паведаміла начальнік юрыдычнага ўпраўлення Мінпрацы Валянціна Маслоўская.
"Скарачэнне такога адпачынку не плануецца", — цытуе яе словы БЕЛТА.
Маслоўская нагадала, што працягласць адпачынку па дагляду дзіцяці ў Беларусі такая ж, як у Расіі, Украіне ці Казахстане, але аплата адрозніваецца. Прадстаўніца Мінпрацы падкрэсліла, што ў многіх краінах Еўропы такі адпачынак не перавышае 1 года.
Таксама стала вядома, што ў Беларусі не плануецца змяняць і працягласць асноўнага працоўнага адпачынку.
