Абаронцы жывёлаў уратавалі ад з'ядзення тры тысячы котак ў Кітаі
Яны перакрылі рух грузавіка з жывёламі ў кітайскім горадзе Ухань.
Верагодна, котак павінны былі забіць для продажу мяса ў рэстаранах на поўдні краіны. Аднак дзякуючы праведзенай акцыі яны будуць выратаваныя, паведамілі ў мясцовай арганізацыі па абароне жывёл.
Па папярэдніх дадзеных, кіроўца грузавіка меў падробленую ліцэнзію на транспарціроўку жывёл. Па гэтым факце праводзіцца расследаванне, паведамляе Bustle.com.
Шчаслівы выпадак ратуе котак ў Кітаі не ўпершыню. Год таму сотні жывёл былі выратаваныя ў акрузе Чанша з-за таго, што грузавік з імі трапіў у аварыю.
