Стала вядома, які італьянскі клуб цікавіцца абаронцам БАТЭ Максімам Валадзько
Максім Валадзько. Фота: www.pressball.by.
Стаў вядомы клуб італьянскай серыі "А", які праяўляе цікавасць да абаронцы БАТЭ і зборнай Беларусі Максіма Валадзько. Па звестках "Прессбола", гэтай камандай стала "Джэноа".
Італьянцы звярнулі ўвагу на беларуса пасля яркіх матчаў са зборнымі Галандыі і Францыі. Пераход можа адбыцца ўжо ў зімовае трансфернае акно.
"Джэноа" — сераднячок футбольнага чэмпіяната Італіі. Пасля 8-га тура (на Апенінскім паўвостраве чэмпіянат толькі набірае абароты) клуб займае 17-е месца (5 ачкоў) з адмоўнай розніцай забітых і прапушчаных мячоў. Так што дапамога беларускага абаронцы там прыйшлася б вельмі дарэчы.
