53-гадовы Юрый Пудышаў згуляў у кубкавым матчы за МТЗ-РЫПА
Капітан “залатога” складу мінскага “Дынама” 1982 года 53-гадовы Юрый Пудышаў згуляў у матчы 1/16 Кубка Беларусі па футболе за МТЗ-РЫПА. У Ганцавічах мінчукі выйгралі ў мясцовага ПМК-7 з лікам 3:2.
Юрый Пудышаў, як вядома, з'яўляецца старшым трэнерам мінскай каманды. На поле ён выйшаў за 10 хвілін да заканчэння матча. МТЗ-РЫПА з цяжкасцю перамог каманду, якая выступае ў спаборніцтвах калектываў фізкультуры.
Юрый Пунтус у інтэрв’ю “Еўрарадыё” патлумачыў выхад на поле Пудышава жаданнем прынесці “трошкі радасці ганцавіцкім балельшчыкам”. Ну і, зразумела, самому Пудышаву. Сёлета спаўняецца 25 гадоў з часу, калі мінскае “Дынама” стала чэмпіёнам Савецкага Саюзу.
Паводле словаў Пунтуса, планавалася, што ветэран пагуляе больш і выйдзе на поле, “калі сітуацыя будзе больш-менш спакойная”. Аднак гульцы МТЗ-РЫПА недаацанілі саперніка, ім давялося адыгрывацца, таму матч атрымаўся вельмі напружаным.
“На жаль, ён паспеў згуляць толькі хвілін 10, - кажа Юрый Пунтус. – Юрый Аляксеевіч выйшаў пятай заменай, якая рэгламентаваная. Пасля таго, як Афанасьеў атрымаў траўму, я вырашыў яго выпусціць”.
Пасля матчу Юрый Пудышаў адчуваў сябе выдатна. Ён раздаваў аўтографы шматлікім ганцавіцкім аматарам футболу.
Юрый Пудышаў, як вядома, з'яўляецца старшым трэнерам мінскай каманды. На поле ён выйшаў за 10 хвілін да заканчэння матча. МТЗ-РЫПА з цяжкасцю перамог каманду, якая выступае ў спаборніцтвах калектываў фізкультуры.
Юрый Пунтус у інтэрв’ю “Еўрарадыё” патлумачыў выхад на поле Пудышава жаданнем прынесці “трошкі радасці ганцавіцкім балельшчыкам”. Ну і, зразумела, самому Пудышаву. Сёлета спаўняецца 25 гадоў з часу, калі мінскае “Дынама” стала чэмпіёнам Савецкага Саюзу.
Паводле словаў Пунтуса, планавалася, што ветэран пагуляе больш і выйдзе на поле, “калі сітуацыя будзе больш-менш спакойная”. Аднак гульцы МТЗ-РЫПА недаацанілі саперніка, ім давялося адыгрывацца, таму матч атрымаўся вельмі напружаным.
“На жаль, ён паспеў згуляць толькі хвілін 10, - кажа Юрый Пунтус. – Юрый Аляксеевіч выйшаў пятай заменай, якая рэгламентаваная. Пасля таго, як Афанасьеў атрымаў траўму, я вырашыў яго выпусціць”.
Пасля матчу Юрый Пудышаў адчуваў сябе выдатна. Ён раздаваў аўтографы шматлікім ганцавіцкім аматарам футболу.