28 чэрвеня ў Беларусі чакаюцца навальніцы, парывісты вецер і да +32 градусаў
Аранжавы ўзровень небяспекі абвясцілі сіноптыкі на 28 чэрвеня ў Беларусі. Прычынай сталі навальніцы і шквалісты вецер, інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду будзе пераменная воблачнасць. Уначы — пераважна без ападкаў, зранку і ўдзень па захадзе Беларусі пройдуць кароткачасовыя дажджы, навальніцы, месцамі моцныя залевы.
Уначы вецер будзе няўстойлівы слабы, днём паўднёва-ўсходні, паўднёвы 5-10 метраў за секунду. Пры навальніцах месцамі прагназуецца шквалістае ўзмацненне ветру парывамі 15-20 метраў за секунду.
Тэмпература паветра ўначы чакаецца ў дыяпазоне +6...+12 градусаў, па паўднёвым захадзе будзе 13-16 градусаў цяпла. Удзень слупок тэрмометра падымецца да 20-26 вышэй за нуль. Найбольш цёпла будзе па паўднёвым захадзе краіны: там паветра прагрэецца да +32 градусаў.
