26 ліпеня сіноптыкі абвясцілі ў Беларусі аранжавы ўзровень небяспекі
26 ліпеня ў Беларусі абвешчаны аранжавы ўзровень небяспекі з-за навальніц. Пра гэта паведамляе агенцтва БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Надвор'е будзе воблачнае з праясненнямі. Уначы ў асобных раёнах, а ўдзень на большай частцы тэрыторыі пройдуць кароткачасовыя дажджы, чакаюцца навальніцы. Па паўднёвым усходзе ўдзень месцамі чакаюцца моцныя залевы. Зранку месцамі слабы туман. Вецер прагназуецца паўночна-заходні 3-8 метраў за секунду, пры навальніцах парывы дасягнуць 14 метраў за секунду.
Уначы тэмпература паветра будзе +15...+20, удзень пацяплее да 24-30 градусаў.
