21:33 Івацэвіцкія міліцыянты шукаюць мільён долараў
У дачыненні да Віктара Крываля,
дырэктара сельскай гаспадаркі “Адраджэнне” у Івацэвічскім раёне, распачата
крымінальная справа за махлярства у асабліва вялікіх памерах.
Яго абвінавачваюць у тым, што летась узяў у адным з
мінскіх банкаў крэдыт у 2,5 мільярда рублёў і не вярнуў іх. Грошы, па словах
супрацоўнікаў групы па барацьбе з эканамічнымі злачынствамі Івацэвіцкага
аддзела ўнутранных спраў, распусціліся ў
паветры.
Куды падзеўся (калі падлічыць у эквіваленце) мільён долараў, цяпер высвятляюць супрацоўнікі
папярэдняга расследвання Міністэрства ўнутранных спраў Беларусі. Следчыя
івацевіцкай міліцыі маюць сведкаў, што Крываль махляваў не толькі ў Івацэвічах, але і ў суседніх Пінску, Баранавічах, Брэсце.
І звяртаюцца да жыхароў рэгіена з
просьбай, калі яны страцілі свае грошы ў супрацоўніцтве з Крывалем, паведаміць
пра гэта ў аддзел унутраных спраў.
Алесь Літоўчык, Еўрарадыё, Баранавічы
