19 чэрвеня пачнецца будаўніцтва Кітайска-беларускага індустрыяльнага парку
У гэты дзень адбудзецца ўрачыстая закладка першага каменя.
Ці будзе ўдзельнічаць у гэтым Аляксандр Лукашэнка, невядома. Як вядома, ён закладаў капсулу на пачатку будаўніцтва Астравецкай АЭС.
Кітайска-беларускі індустрыяльны парк пабудуюць у Смалявіцкім раёне, у 25 кіламетрах ад Мінска. Тэрытарыяльнае ўтварэнне плошчай каля 80 кв. км будзе мець асаблівы прававы рэжым для забеспячэння камфортных умоваў вядзення бізнэсу.
