15:36 У Віцебску праходзіць выстава “мартаўскіх” катоў
Галоўныя героі выставы, якая праходзіць у гэтыя дні у віцебскім цэнтры рамёстваў і мастацтваў “Задзвінне” – каты. Тут можна пабачыць дзесяткі работ, на якіх каты лётаюць у небе, шпацыруюць па дахах, збіраюць кветкі для сваіх каханак, адпачываюць, музіцыруюць, імітуюць паводзіны не толькі сваіх гаспадароў, але і справдвечных ворагаў – мышэй ды сабак.
Работы для выставы падрыхтавалі вучні Віцебскай мастацкай школы №1, цэнтра дзіцячай творчасці “Маладзік” і ізастудыі “Буслік”.
Дарэчы, мастацкія выставы, прысвечаныя катам, у Віцебску сталі ужо традыцыйнымі. Праходзілі яны раней у розных навучальных установах вясной, а цяпер цэнтр “Задзвінне” вырашыў сабраць катоў пад сваім дахам напрыканцы зімы.
Ядвіга Сташэўская, Еўрарадыё, Віцебск
Работы для выставы падрыхтавалі вучні Віцебскай мастацкай школы №1, цэнтра дзіцячай творчасці “Маладзік” і ізастудыі “Буслік”.
Дарэчы, мастацкія выставы, прысвечаныя катам, у Віцебску сталі ужо традыцыйнымі. Праходзілі яны раней у розных навучальных установах вясной, а цяпер цэнтр “Задзвінне” вырашыў сабраць катоў пад сваім дахам напрыканцы зімы.
Ядвіга Сташэўская, Еўрарадыё, Віцебск