15:00 Цела беларускага дайвера знайшлі праз два месяцы
Дасведчаны аквалангіст загінуў падчас падводнага палявання
ў запоўненым вадой, закінутым кар'еры. Ён не здолеў выбрацца з пясочнага тунэлю пад
затопленай баржай.
Пошукі зніклага дайвера вяліся ў студзені і ў лютым
манеўрана-пошукавай групай
Мінскага абласнога савету Таварыства выратавання на водах, адмысловым атрадам Міністэрства па
надзвычайных сітуацыях, вадалазамі Барысаўскай выратавальнай станцыі і
сталічнымі дайверамі.
У мінулую нядзелю цела нарэшце знайшла група расійскіх
выратавальнікаў, якія прыбылі ў Беларусь у прыватным парадку і “прамацалі” дно
кар’ера пры дапамозе камп’ютарызаванага санара.
Інфармацыйнае
агенцтва БЕЛТА дадае да ўсяго згаданага вышэй, што з пачатку 2007 года на
вадаёмах Мінскай вобласці загінулі ўжо 14 чалавек. Пераважна гэта былі рыбакі.