12 траўня ў Беларусі чакаюцца дажджы з навальніцамі і парывістым ветрам
![12 траўня ў Беларусі чакаюцца дажджы з навальніцамі і парывістым ветрам](/sites/default/files/styles/gallery_main/public/2023-08/nadv-1105.jpg.webp?itok=hsgQcUyw)
Сіноптыкі абвясцілі на 12 траўня ў Беларусі аранжавы ўзровень небяспекі, паведамляе Белгідрамет.
У чацвер чакаецца пераменная воблачнасць. Уначы пераважна ў паўночна-заходніх раёнах, а зранку і ўдзень на большай частцы тэрыторыі краіны пройдуць кароткачасовыя дажджы. Па поўначы Беларусі ўдзень чакаюцца моцныя дажджы. У многіх раёнах краіны прагрымяць навальніцы, месцамі магчымы град.
Вецер будзе паўднёва-заходні, заходні ўмераны, зранку і ўдзень на большай частцы тэрыторыі краіны чакаюцца моцныя парывы — да 15-20 метраў за секунду.
Уначы тэрмометры пакажуць 10-16 вышэй за нуль, удзень будзе 17-23 цяпла, па поўдні Беларусі чакаецца +24...+29.
У Мінску сіноптыкі прагназуюць удзень навальніцу і ўзмацненне паўднёва-заходняга, заходняга ветру парывамі да 15-20 метраў за секунду.
![12 траўня ў Беларусі чакаюцца дажджы з навальніцамі і парывістым ветрам](/sites/default/files/paragraphs/image/fsesn70wuaej3wu.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.