10 чэрвеня рубель у Беларусі вырас адносна ўсіх асноўных валют
10 чэрвеня на Беларускай валютна-фондавай біржы адбыліся чарговыя таргі. Па іх выніках Нацбанк вызначыў новыя курсы валют.
Курс долара панізіўся — з 2,0925 да 2,0805 беларускага рубля, курс еўра таксама пайшоў наніз — з 2,3568 да 2,3504 рубля. Паменшаў і курс расійскай валюты: сёння за 100 расійскіх рублёў даюць 3,2125 беларускага (у пятніцу — 3,217).
Курс беларускага рубля ў адносінах да кошыка валют умацаваўся на 0,3%.
