Зяленскі дагэтуль не павіншаваў першых украінскіх лаўрэатаў Нобелеўскай прэміі
![Начны зварот Уладзіміра Зяленскага](/sites/default/files/styles/gallery_main/public/2023-08/%D0%97%D0%B5%D0%BB%D0%B5%D0%BD%D1%81%D0%BA%D0%B8%D0%B91008-2.png.webp?itok=GZKPVkYM)
Начны зварот Уладзіміра Зяленскага
Уладзімір Зяленскі дагэтуль не павіншаваў украінскую праваабарончую арганізацыю "Цэнтр грамадзянскіх свабод", якой 7 кастрычніка прысудзілі Нобелеўскую прэмію міра. Свой традыцыйны вечаровы зварот прэзідэнт Украіны прысвяціў японскім тэрыторыям, акупаваным Расіяй. Ён правёў паралелі паміж расійскай палітыкай на ўсходзе і нападам на Украіну ў 2022 годзе.
Таксама ні слова пра сёлетніх лаўрэатаў Нобелеўскай прэміі — беларускага праваабаронцу Алеся Бяляцкага і расійскую праваабарончую арганізацыю "Мемарыял" — не сказалі Аляксандр Лукашэнка і Уладзімір Пуцін.
Нобелеўскую прэмію міра за 2021 год атрымаў беларускі праваабаронца, заснавальнік "Вясны" Алесь Бяляцкі, а разам з ім расійскі цэнтр "Мемарыял" і ўкраінскі "Цэнтр грамадзянскіх свабод".. Рашэнне абвешчанае 7 кастрычніка ў Осла.
З 14 ліпеня 2021 года Бяляцкі знаходзіцца за кратамі ў Беларусі. Разам з ім зняволеныя яго калегі па "Вясне" Уладзь Лабковіч і Валянцін Стэфановіч.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.