Зноў затрыманы пастар евангельскай царквы з Новалукомля
Аляксандр Зарэцкі / vitebskspring.org
Зноў затрыманы пастар евангельскай царквы з Новалукомля Аляксандр Зарэцкі. Прычынай называюць малітву за спыненне вайны ва Украіне, якая гучала ў яго абшчыне падчас набажэнстваў.
Як паведамляе тг-канал "Хрысціянская візія", затрыманне Зарэцкага адбылося ў Чашніцкім раёне Віцебскай вобласці ў чацвер. Адзначаецца, што раней мясцовыя ідэолагі неаднаразова выказвалі прэтэнзіі пастару за згаданыя малітвы і пагражалі пераследам. Мясцовых чыноўнікаў незадавальняла і тое, што Аляксандр Зарэцкі адмаўляўся ўдзельнічаць у палітычных мерапрыемствах.
Вясной 2023-га пастар правёў за кратамі месяц. Яго двойчы асудзілі на 15 сутак адміністрацыйнага арышту за "распаўсюд экстрэмісцкай прадукцыі".
