Знік пінгвін, які з заапарка ў Тбілісі даплыў да мяжы з Азербайджанам
Супрацоўнікі заапарка не знайшлі яго ў рэчцы ў памежнай зоне. Не бачылі яго і на азербайджанскім баку мяжы.
Афрыканскі пінгвін, які ў ноч на нядзелю падчас паводкі ўцёк з заапарка ў Тбілісі, а пасля даплыў да мяжы з Азербайджанам, знік. Супрацоўнікі заапарка выязджалі ў памежную зону, дзе ў адной з рэчак бачылі пінгвіна, але яго не знайшлі. Пасля агляду прылеглай да мяжы тэрыторыі яны вымушаныя былі вярнуцца ў сталіцу Грузіі.
Не выключана, што пінгвін нелегальна перабраўся ў Азербайджан. РІА "Новости" паведамляе, што ў азербайджанскім МНС няма інфармацыі пра месцазнаходжанне пінгвіна. Таму пошукаў яны праводзіць не будуць.
Кракадзілы, бегемоты, мядзведзі і львы на вуліцах Тбілісі (фота, відэа)
Адзначым, што летась афрыканскіх пінгвінаў тбіліскаму заапарку падаравала адміністрацыя заапарка Living Coasts з горада Торкі ў Вялікабрытаніі.
Фота: ria.ru